Shirweynaha 8-aad ee Madasha La-dagaalanka Musuqmaasuqa ee Afrika iyo Hey’adaha Isku-dhafka ah ee (FIGE) ayaa galay maalintiisa saddexaad ee ugu dambeysay. Waxaa madasha hadal-jeedin ka sameeyay Komishaneer Khadar Axmed Diiriye.
Mudane Khadar, ayaa umahad celiyay dowladda Jabuuti oo martigelisay shirkaan sida heerka sare loo soo agaasimay, waxa uuna kasoo qeyb galayaasha la wadaagay siyaasadda Guddiga Madaxa Bannaan Ee La-dagaalanka Musuqmaasuqa ee ku aaddan la-dagaalanka iyo ciribtirka noocyada kala duwan ee musuqmaasuqa.
Shirkan oo labadii sanaba mar la qabto ayaa ujeedkiisu daaranyahay in la horumariyo is-weydaarsiga iyo wadaagga aqoonta iyo waayo-aragnimada ku aadan nidaamka macluumaadka ee hay’adaha baarista, hanti-dhowrka, kormeerka iyo ka hortagga musuqmaasuqa.
Soomaaliya ayaa shirkan ka heli doonta isbaheysiyo iyo xiriiro caalami ah oo ka taageeri doona la-dagaalanka musuqa iyo ku takrifalka hantida.
