Ra’iisul Wasaaraha Xukuumadda Federaalka Soomaaliya Mudane Maxamed Xuseen Rooble, mas’uuliyiin iyo dadweyne ayaa salaadda Janaasada kula tukaday masjidka Shuhada ee madaxtooyada meydka allaha u naxariistee Agaasimihii Radio Muqdisho Cabdicaziiz Maxamuud Guuleed Afrika oo ku geeriyooday qarax argagixisadu xalay la beegsadeen.
Sidoo kale, Alle ha u naxariisto meydka Agaasimihii Radio Muqdisho Cabdicaziiz Maxamuud Guuleed Afrika ayaa maanta lagu aasay magaalada Muqdisho.
Alle ha u naxariistoo Cabdicasiis wuxuu ahaa saxafi howlkar ah iyo halyey qaran oo dalkiisa, dadkiisa iyo diintiisaba ugu soo shaqeeyay si geesinimo iyo hagar la’aan ah.
Naxariistii janno Allaha ugu deeqo annagana samir iyo Iimaan Allaha naga siiyo.
