Madaxweynaha Jamhuuriyadda Fedaraalka Soomaaliya, mudane Xasan Sheekh Maxamuud, ayaa xafiiskiisa ku qaabbilay wafdi uu hoggaaminayo guddoomiye ku-xigeenka Xisbiga Barwaaqo ee Itoobiya mudane, Aadam Faarax iyo wasiiru dowlaha Arrimaha dibedda Mesganu Arega.
Wafdiga ayaa markii ay soo gaareen magaalada Muqdisho waxaa si diirran u soo dhaweeyay Wasiirka arrimaha dibadda iyo iskaashiga Caalamiga ah ee Soomaaliya Abshir Cumar Jaamac, iyagoo ka wada hadlay arrimaha labada dal iyo tan gobolka.
Sidoo kale madaxda ayaa ka wada hadlay xoojinta xiriirka udhexeeya Itoobiya iyo Soomaaliya gaar ahaan adkaynta nabadda gobolka iyo iskaashiga ganacsi ee labada dal.
