Madaxweynaha Dowladda Galmudug mudane, Axmed Cabdi Kaariye oo uu wehliyo wasiirka Gaanshandhigga XFS Cabdulqaadir Maxamed Nuur (Jaamac) ayaa gaaray deegaanno hoostaga degmada Ceelbuur oo dhawaan laga xoreeyay Khawaarijta Al-Shabaab.
Safarka Madaxweynaha iyo wasiirka ayaa ujeedkiisu yahay u kuurgelidda xaalada deegaanadaas iyo dhiirragelinta ciidamada qalabka sida ee geesiyaasha ah iyo shacabka deegaanka, kuwaasoo u awood sheegtay kooxaha khawaarijta ee argagaxisada ah.
