Madaxweynaha Dowlad goboleedka Koonfur Galbeed Mudane, Cabdicasiis Xasan Maxamed Laftagareen ayaa Xarunta Madaxtooyada Baydhabo ku qaabbilay wafdi uu hogaaminayey Madaxa Hay’addaha Islamic Relief Bariga Afrika, Yuusuf Maxamuud Rooble.
Kulan saacado qaatay ayay labada mas’uul uga wada hadleen arrimaha gargaarka iyo sidii wax loogu qaban lahaa Dadka ay abaartu Saamaysay.
Magaalada Baydhabo ee Caasimadda ku meel gaarka maamulka koofur galbeed ayaa haatan la ciir-ciireysa kumanaan qoys oo kasoo barakacay abaaraha dalka ka jira, kuwaas oo u baahan kaalmo bini’aadannimo.
