Kismaayo:- Madaxweynaha Dowlada Federaalka ah ee Soomaaliya Mudane Xasan Sheekh Maxamuud iyo madaxweynaha Jubaland Axmed Axmed Maxamed Islaam ayaa si wadajir ah u dhagax dhigay wadada isku xirta Degmooyinka Kismaayo iyo Afmadow oo ah wado laami ah oo dheerarkeedu uu yahay 120km.
Wadadan ayaa muhiim u ah isku socodka bulshada iyo ganacsiga deegaannada kala duwan ee Jubbaland ay ka kooban tahay.
Wadadan oo wajigeeda koobaad dhismaheeda uu hada meel Wanaagsan marayo ayaa la qorsheyay in si wadajir ah ay dhismaheeda iskaga kaashan doonan Dowlada Federaalka ah iyo maamulka Jubbaland si loo yareeyo wakhtiga dheer ee ay qaadato isku socodka deegaannada kala duwaan ee muhiimka ay u tahay.
