Madaxweyanah Maamul gobaleed Hirshabeele Mudane, Cali Guudlaawe Xusseen oo saxiixay miisaaniyadda Maamul Gobaleedka Hirshabeelle ee sanadka 2022 oo hore uu u ansixiyey Golaha Wasiirada, ayna meelmariyeen Golaha Baarlamaanka Dowladda Hirshabeelle.
Madaxweyanah ayaa bogaadiyay Xildhibaannada Baarlamaanka Dowladda Hirshabeelle ee sida xilkasnimada leh u gutay waajibaadka dastuuriga ah ee kaga aaddanaa ansixinta Miisaaniyadda cusub ee Maamul Gobaleedka Hirshabeele.
Sidoo kale waxa uu mahadceliyay Wasaaradda Maaliyadda iyo Horumarinta Dhaqaalaha ee Maamulka gobaleedka Hirshabeelle oo dadaal ku bixisay diyaarinta iyo jaangooynta miisaaniyadda Dowladda Hirshabeelle.
