uddoomiyaha Hay’adda Maareynta Musiibooyinka Qaranka Soomaaliyeed (SoDMA), Mudane Maxamuud Macallin Cabdulle ayaa kulan muhiim ah la qaatay mas’uuliyiin ka tirsan Xafiiska Arrimaha Dibadda, Barwaaqo-sooranka & Horumarinta Dowladda UK.
Guddoomiyaha ayaa la kulmay Dr. Rurik Marsden, Ku-xigeenka Agaasimaha Siyaasadda, Bani’aadanimada iyo Iskaashiga ee Xafiiska Arrimaha Dibadda, Barwaaqo-sooranka iyo Horumarinta Dowladda UK (FCDO), Dr. Ranil Dissanyake, Ku-xigeenka Madaxa Dhaqaalaha,Tim Green Hoggaamiyaha Kooxda Waaxda Falanqaynta iyo Martin Gichuru La-taliyaha Arrimaha Bani’aadanimada.
Kulanka dhinacyadaasi waxaa diiradda lagu saaray xaaladda saadaasha El Niño iyo saameynta ay ku yeelan karto Soomaaliya, xoojinta wada-shaqeynta iyo iskaashiga ee dhinacyada bani’aadanimada iyo sidii loo sii wadi lahaa qorshayaasha diyaar-garowga iyo ka-hortagga musiibooyinka.
Sidoo kale, waxaa laga wada hadlay muhiimadda ay leedahay in la xoojiyo nidaamyada digniinaha hore iyo horumarinta awoodda hay’adaha dowladda iyo dhismaha u adkeysiga bulshada, si loo yareeyo saameynta fatahaadaha, abaaraha iyo khataraha kale ee ka dhasha isbeddelka cimilada.
