Kulanka ayaa waxaa kasoo qayb galay dadwayne isugu jira qeybaha Bulshada, waxayna madaxda hay’addaha u xil-saaran dastuurka ka dhagaysteen warbixin ku aadan dib-u-eegista dastuurka guud ahaan iyo gaar ahaan Cutubka 9-aad oo ka hadlaya xoojinta Garsoorka & Madax-banaanidiisa.
Kullanka oo waqti dheer qaatay ayaa su’aalo lagu waydiiyay Madax ka tirsan Sadaxda Hay’adood ee Dastuurka u xil saaran waxaana si toos ah uga jawaabayay su’aalaha dadwaynaha masuuliyiinta kala ah Wasiirka Wasaaradda Cadaaladda & Arrimaha Dastuurka XFS Mudane Xassan Macallim Maxamuud, Guddoomiyaha Guddiga Madaxa-bannaan ee Dastuurka Avv. Burhaan Aadan Cumar iyo Xoghayaha Guddiga La-socodka Dastuurka ee Baarlamaanka, Sanetor Siciid Cabdi Xassan Cowke.
Wasiiru-dowlaha Cadaaladda iyo Arrimaha Dastuurka XFS, Danjire Ilyaas Sheekh ayaa dhankiisa si qota dheer uga hadlay muhiimadda ay leedahay Asteynta awoodaha heerarka dowladeed u leeyihiin muwaadiniinta Soomaaliyeed.
Doodda Cutubka 9aad ee ka hadlaysa Xoojinta Garsoorka ayaa u dhacday si habsami leh iyadoo dadwaynaha ay soo bandhigayeen fikradahooda iyo tallooyinkooda ku aadan Cutubkaas waxaana ugu dambeyn laysla wada gartay ahmiyadda dhamaystirka Dastuurka iyo Xoojinta Garsoorka dalka si garsoorku u noqdo mid dhamaystiran oo madax-bannaan.
