Wararka laga helayo Dalka Indoniisiya ayaa sheegaya in ay dhinteen 129 qof tiro ka badan 210 na dhaawacmeen ka dib markii rabshado ka dhaceen goob garoon kubadda lagu ciyaaro ah.
Rabshadaha ayaa yimid ka dib cayaar dhex martay kooxaha lagu kala magacaabo Arima FC iyo Percy Baya kuwaas oo ku wada ciyaarayey garoon ku yaalla Bariga Java.
Ciyaarta oo ahayd mid ay kasoo qayb galeen in ka badan 3000 oo qof ayaa mar keliya isu rogtay dagaal ka dib markii saddex gool looga dhaliyey kooxda Arima FC taas oo taageerayaasheedu xoog ku soo galeen goobtii cayaartu ka socotay, halkaas oo ay ka bilaabatay isku dhaca dhex maray Ciidanka Booliska iyo taageerayaasha kooxda.
