Ciidamada Xoogga dalka Soomaaliyeed gaar ahaan guutada 9-aad qeybta 60-aad ayaa maanta howlgallo qorsheysan waxa ka sameeyeen deegaanno ka tirsan gobolka Bakool.
Taliyaha guutada 9-aad Qeybta 60-aad G/lle Yoonis Adan Xasan oo ayaa warbaahinta Qaranka u sheegay in howlgallada laga sameeyay deegaannada kala ah War-wiin War-dhato Ceelahaley iyo Moorigaabey ee Gobolka Bakool.
Ciidanka Xoogga Dalka ayaa howlgallada halkaas ka socday ku baacsaday khawaarijta halkaas dhuumaaleyga ku ah, iyagoo shacabka ku bogaadiyey sida ay Ciidanka u garab itaagaan iyo u soo gudbinta Ciidanka fariimaha ka dhanka ah argagixisada.
Deegaannada maamulka Koonfur Galbeed ayaa dhawaan waxaa ka bilaaban doono howgallada ka dhanka ah khawaarijta wajigiisa labaad kaas oo uu Madaxweynaha Jamhuuriyadda Federaalka Soomaaliya horay ugu dhawaaqay.
