| Hibadu waa xirfad gaar ah oo uu Alle ku manneesto adduumadiisa kala duwan taasoo u noqota qofka mid uu bulshada kaga dhex muuqdo inta badan.
Dunida qofba wax buu ku wanaagsan yahay wuxuuna leeyahay hibo u gaar ah oo ku duugan maankiisa. Hibadu waxay u baahan tahay qaab aad ku soo bandhigi karto oo aad ku muujin karto waayo dunidan waxaa jira malaayiin dad ah oo leh hibooyin gaar ah hadana ay ku adag tahay in ay soo bandhigaan ama aan helin qaab ay ku soo bandhigaan. Dunida waxaa ka jirto barnaamijyo u gaar ah oo loo yaqaan“Got Talent” taasoo lagu tartarsiiyo dadyowga hibada gaarka ah leh. Dadku hibooyin bay leeyihiin waase kala duwan yihiin hibooyinkaas adiguna kuwaas ayaad ka mid tahay waayo barnaamijyda qaar ee hibooyinka lagu soo bandhigo waxaad ku arkeysaa waxyaabo aadan fileyn hadana ah hibooyin mucjisooyin ah oo qofka ay duugnaayeen haddii aan laga soo saari lahyn uu la dhiman lahaa iyadoo laga faa’ideysan. Weligaa ha dhihin waxaas maad dad la hortagi kartaa laakiin la soo bax wax kasta oo kugu jira oo xirfad ah oo keeni kara in aad gaarto guul tusaale ahaan waxaa laga yaabaa in aad laxanka heesaha ku fiican tahay laakiin adiga aad is leedahay waxa aad heyso lama hor yagi kartid bulshada uuna kula noqdo wax hooseeya. Haddii aad heyso xirfad cusub iyo waxqabad mucjiso ah ma aha in aad adiga isla yaabtid oo aad ka gaabsatid in aad soo andhigto tusaale ahaan waxaad leedahay hibo in aad ilkahaada ku qaadi karto foosto shidaal ah ..ha is dhihin arrintan ma bandhigi kartid oo dadka ayaa kula yaabaya ama kuu qaadanaya qof aan caadi aheyn oo awoodo sheydaan leh. Aduunka hubooyinka waxay keenaan caanimo deg deg ah iyo mararka qaar qofka oo la yimaada wax cusub oo uu ku shaqo tago kagana duwan yahay dadka intiisa kale una soo jiideysa caanimo aanu hore u heysan oo xad dhaaf ah. Sidoo kalena hibada waxay qofka gaarsiin karta martabad cusub oo noloshiisa ah waayo manta dunida ninka caanka caanka ee hibada kubbadda cagta ah leh ee malaayiinta dadka ah daawadaan tusaale ahaan ciyaaryahanka Messi lama mid aha ciyaartoyga caadiga wuxuuna Messi ku caano maalaa hibadiisa oo laga yaabo in ay noloshiisa wax badan ka bedeshay. Hibada nooca qofku yeealan karo waxay ku imaan kartaa qaab uu soo koriyey oo uu tababaro xirfad iyo aqoon kororsi badan us oo maray iyo mid hibo Rabbaani ah waxayna labduba qofka ka dhigaan mid wax gaar ah hibo u leh ama ku wanaagsan. Xitaaa haddii aaney hayn mid rabbaani ah qofku wuxuu ku heli karaa waayo aragnimo iyo ku dhex jir waqti dheer oo uu kaga duwanaan karo inta kale ee la wadaagta isla xirfaddaa tusaale ahaan labo sawir qaade oo muddo toban sano ah soo wada shaqeynayey isku tababarna qaba ayaa midkood laga yaabo in uu hibo gaar ah u sii leeyahay oo kan kale kaga wanaagsan yahay xirfaddaas oo ay dadka qaar yiraahdaan hebel waa ka gacan macaan yahay hebel ama sawir qaadista waa kaga fiican yahay hebel. Waxaa laga yaaabaa in hebel hibo u leeyahay ama uu waqti dheeraad ah barashadeeda galiyey marka loo eego saaxiibkiis taasna ay ka dambeyso in saaxiibkiis si gaar ah loogu tilmaamo xirfaddaa. Si kastaba ha ahaatee haddii qof walba ceysaantiisa ceelka keeno oo soo bandhigo hibadiisa waxaa la heli lahaa malaayiin qof oo mid waliba hibo u gaar ah leeyahay waana sirta ka damebysa in dalal ay hindiya ugu horreyso ay xilligan xoogga saaraan barnaamijyo hibo raadinta … Soomaaliduna barnaamijyada noocan aad bay ugu baahan yihiin waxaana faa’ideeda laga dareemi karaa barnaamijkii ay wadi jireen idaacadda WADNAHA FM iyo qaar ka tirsan fannaaniinta Soomaaliyeed. |
| Mohamed Hassan Shiil |
