Hay’adda Maareynta Musiiboyinka Qaranka ee SoDMA oo kaashanaysa hay’adda Cuman Charity, ayaa deeq raashin ah gaarsiisay 950 qoys oo ku kala nool degmooyinka Cabdicasiis, Shibis, shangaani iyo Xamar wayne oo ka wada tirsan gobolka Banaadir.
Qoysaskaan gargaarka la gaarsiiyey, ayaa ah Qoysas danyar iyo barakacayaal ah oo ku nool gobolka Banaadir oo iskugu jira barakacyaal ka soo barakacay Deegaanada abaartu sida daran u saamaysay iyo deeganada ay howlgalada dib u xorreynta ay ka socdaan.
Hay’adda SoDMA, ayaa waddo gaarsiinta dadkii mudnaa, deeqa kala duwan ee loogu deeqay shacabka Soomaaliyeed, ayadoo lagu jiro Bishii barakeysneed ee Ramadaan.
