Guddoomiye Ku xigeenka Bankiga Dhexe ee Soomaaliya Dr. Cali Yaasiin Sheekh Cali ayaa ka warbixiyay furitaanka laanta Bankiga Dhexe uu ka furay magaalada Dhuusamaree ee Xarunta Galmudug, isagoo sheegay in go’aanaka ay qaateen kadib markii madaxweynaha JFS uu amray in adeegyada Bankiga uu bixiyo la gaarsiiyo dhammaan gobolada dalka.
Guddoomiyaha wax uu sheegay in qorshaha furitaanka xaruntaan ay tahay heshiis xukuumadda ay la galeen sanadkii hore dhamadkiisa kaa oo dhigay in shan xarumood (5) laga furo dhamman gobollada dalka si adeega loogu dhaweeyo shacabka, sidoo kalena shaqa abuur ay ka heli doonaan bulshada degaanada ku dhaqan si looga qeybqaato shaqa abuurka dhalinyarada Soomaaliyeed.
Waxa uu sheegay xaruumahaasi ay sameyn doonaa Cilmi baarisyo oo lagala socon doono dhaqaalaha dalka iyo markii lacagta Shilinka Soomaliga la soo daabaco ay bulshadu ka heli karaan adegyada ay u baahanyihin, in laga hago siyaasadda guud ee dhaqaalaha dalka, isagoo sheegay in xarunta xigata ee Bankiga ay ka furi doonaan degaannada Maamulka koonfur Galbeed Soomaaliya gaar ahaan magaalada Baydhabo.
Guddoomiye Ku xigeenka Bankiga Dhexe ee Soomaaliya Dr. Cali Yaasiin Sheekh Cali waxa uu tilmaamay saddexda sanno ay qabsadeen ay ku hirgalin doonaan shanta maamul goboleed xarumo uu Bankiga dhexe degaanadaas ku yeelan doono.
Mar laga weydiiyaty su’aal ahayd adegyada ay bixiyaan Bangiyada gaarka loo leeyahay ayaa waxa uu sheegay in madamaa dalka uu ku biiray Suuqa GANACSIGA dowladu aysan yeelan karin Bangi ganacsi, Bankiga dhexena uu la socodo dhaq-dhaqaaqa Bankiyada ganacsi ee dalka ka howlgalo wada shaqeyn fiicana ay kawada dhaxeyso Bankiga dhexe ee dalka,waxa kaloo uu sheegay sidoo kale in xarumaha gobolada u Bankiga ka hirgalinayo shaqaalaha ka shaqeynayo oo kooban tar-tan loo gali doono, balse dadka degaanka kaliya ay u tar tami doonaan.
Bankiga Dhexe ee Soomaaliya ayaa wada howllo lagu ballaarinayo adeegyada uu shacabka u hayo iyadoo degaanada dhiman laga hirgalin doono xarumo xusub oo uu Bankiga ku yeelan doono dhamaan gobolada dalka, si bulshada loogu dhaweeyo adeegyada ay u baahanyihiin.
