Guddoomiyaha Guddiga Madaxa-bannaan ee Xuquuqul Insaanka Qaranka, Dr Maryam Qasim, ayaa maanta kulan la qaadatay Wakiilka UNICEF ee Soomaaliya, Marwo Sandra Lattouf, si loo xoojiyo iskaashiga iyo wadashaqeynta u dhexeeysa Guddiga iyo UNICEF.
Kulanka ayaa diiradda lagu saaray horumarinta iyo ilaalinta xuquuqda carruurta iyo xoojinta nidaamyada qaran ee lagu daryeelo laguna dhowro xuquuqdooda.
Marwo Sandra Lattouf oo soo dhoweysay kulanka, ayaa muujisay in hey’adda UNICEF ay diyaar u tahay taageeridda hay’adaha qaran si loo xoojiyo ilaalinta carruurta loona kobciyo isla-xisaabtanka.
Ugu dembayn Guddoomiyaha Guddiga Madaxabanaan ee Xaquuqul Insaanka Dr Maryam Qasim ayaa adkaysay sida ay uga go’an tahay Guddiga ilaalinta xuquuqda carruurta si aan loogu koobin aragti iyo ballan-qaad.
