Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya Mudane Cabdulqaadir Maxamed Nuur (Jaamac) ayaa xafiiskiisa kulan kula qaatay xubno ka socday Midowga Golayaasha Culimada Soomaaliyeed, oo laf-dhabar u ah ilaalinta diinta, sharafta, dhaqanka iyo qiyamka Ummadda Soomaaliyeed.
Guddoomiyaha ayaa culimada ka dhagaystay talooyin iyo tusaalooyin muhiim ah oo ku saabsan Hindise-sharciyeedka Dhismaha Golaha Culimada Soomaaliyeed ee horyaala Golaha, isagoo si gaar ah u dhegaystay aragtidooda iyo talooyinkooda ku aaddan sharciyada kale ee horyaala Golaha ,oo ay muhiimka u tahay aragtida Culimada in lagu daro.
