Ganacsiga waa mehrad barakeysan oo soo jirtay qarniyaal waana mehrado aysan dadku ka maarmin oo ay wax ku kala iibsadaan.
Waxaa jira suuqyada badeecadaha dukaanka suuq xoolo market, sharaapka, maqaayado, hoteello, carwooyin, goobo buugaag iyo foto copy iwm taasoo soo raacda ganacsatada qudaarta bakhaarrada cuntada kala duwan, maacuunta, foornooyin, miisaska yar yar ee alaabada lagu iibiyo iyo kuwo kale oo badan.
Dadka ku howlan guud ahaan mehradahaasi ganacsi ayaa ku kala duwan macaamiisha iyo habka dhaqanka ganacsigooda, sicirka ay wax ku iibiyaan iyo Tayada daawada alaabta iyo wixii la mid ah.
Ganacsato cusub ayaa maalin walba ku soo kordhaya oo ku soo biiraya faras magaalaha caasimadda dalka.
Is barbaryaac tabartaa iyo taagtaa ah ayaa jirta oo buux dhaafiyay hareeraha lagta loogu tala galay in ay dadku maraan.
Hilible, caanoole, jaadle, bagaashle, looma kala harin.
Waa xilli dadku indhaha ku kala qaadday sidii bal nolosha qoyska u maareyn lahaayeen taasoo ka gashay hab kasta uu u maro beegsado.
Soomaalida oo waxa ugu sahlan ay ka shaqeysan karaan ay tahay ganacsiga oo xad dhaaf ah qorshana aan lahayn.
Soomaalida oo aan inta badan lahayn dhaqan wax curin ah iyo dhaqan wax aqris ah toona ee waa arrintooda waa indho caddeys iyo lagaama roona la soo galay ganacsiga iyo kaxeynta gawaarida biielka iyo bajaajta oo dhallin yaro xilkas ahayn u badan habka ay u wadaanna mootada iyo gawaarida aad mooddo in aysan mas’uuliyad ka saarneyn dadka uu wado sidoo kale habka kaxeynta xawaaraha ay ku socdaan ayaa kaa yaabinaya iyo weliba qaabka ay u fadhiisanayaan isagoo kaxeynaya weliba.
Waxay shitaan samaacado oo heesaha kor loogu dallaco rakaabka oo dhegaha ku jabinaya oo caruurta ka seexan la,yihiin iyadoo weliba is barbar yaacaya dhexdooda midba kan kale doonaya inuu ka hor maro, waa yaah sida jidka ay ku maraan waana indho cadeyn habkaas ay jidadka ku maraan oo xanniba jidadka dhaadheer ee isku xira magaalada muqdisho.
Ganacsiga waah ab haneysan oo ku dheehan qorsho cilmiyeed loogu tala galay daqliga maalinlaha ah iyo mid bil iyo sanado ah shirkadaha waa weyn ayaa looga fadhiyaa sannad kasta in ay iska bixiyaan sekada ku waajibtay/
Iskana ilaaliyaan dhaqanka ribada qiyaano iyo khish, been oo lagu dhaarto iibinta waxyaabo dhacay dul saar qiimo badan, hawo raacis iwm
Ganacsigu waa inuu noqdaa mid ka fog waxyaabaha aan soo sheegnay kuna qotoma lillaahi iyo daacadnimo ganacsigu waa inuu noqdaa mid nadiif ah oo sixalaal ah ku socda kana fog markaasi indho caddeyn iyo wax is daba marin oo miir la’aani hareysay.
In kastoo poliiska waddooyinka ee traafikada loo yaqaanno ay wada dadaalayaan haddana weli kama soo naaso cadda kuwa kaxeeya gaadiidka kala duwan inay u hoggaasamaan amarrada iyo sharciyadda waddooyinka taasoo Meesha ka baxday tan iyo qaran jabkii dalku haleelay.
Arrintu si kastaba ha ahaatee waa in wax walba ay noqdaan sidii lagu yaqiinay oo raacsan habka dunida looga ganacsado taasoo ku dhisan wax isdhaafsi qorsho habeysan iyo kobac dhaqaalo oo la dareemo sanad kasta bal adba.
WQ: Ibraahim A. Ali
