Ciidamada Filibiin iyo kuwa Mareykanka ayaa maanta oo Talaada ah billaabaya dhoolatuskii ugu ballaarnaa oo wadajir ah, kaasi oo ka dhici doona gudaha Dalka Filibiin ee dhaca Koonfur-bari ee Qaaradda Aasiya.
Filibiin iyo Mareykanka ayaa sheegay in dhoolatuskan looga hortagaya kororka saameynta Shiinaha ee gobolka.
Ilaa 18,000 oo Askari ayaa ka qeyb qaadanaya dhoolatuskan, kaasi oo ay si wada jir ah u sameyn doonaan ciidamada Filibiin iyo kuwa Mareykanka, taasi oo ka dhigan laba jibaar tirada Ciidamada ka qeyb galay sannadkii hore.
Dhoolatuskan ayaa sida la sheegay socon doona muddo toddobaad ah, iyadoo la sheegaya in Ciidamada Mareykanka ay adeegsan doonaan Gantaalada Patriot, kuwaas oo ka mid ah difaaca hawada ee ugu wanaagsan adduunka.
