Duqa Degmada Galkacyo Mudane Cabdiraxmaan Shiikh Xasan Oo ay weheliyaan xoghayaha Dowladda Hoose, xubno ka tirsan golaha deeganka, Gudoomiyaha Xaafadda Hormar, qaar ka mid Agaasimayaasha, iyo Odayaasha dhaqanka, ayaa Maantay dhagax dhigay wajiga labaad ee dhigista interlockga ee suuqa weyn ee Magaalada Gaalkacyo.
Saarista Interlockgga oo horey qaar kamid ah suuqa weyn ee magaalada gaalkacyo loogu soo Sameeyey ayaa hadana Waxaa lagu wadaa in Wadooyin Cusub lagu sameeyo.
Dhagax dhiga interlockgaan ayaa waxaa iska kaashanaya Maamulka Dowladda Hoose iyo qaar ka mid ah Ganacsatada suuqa weyn ee Magaalada Gaalkacyo.
Duqa Degmada Gaalkacyo Mudane Cabdiraxmaan Shiikh Xasan ayaa sheegay inuu ahmiyad gaar ah ugu fadhiyo suuqa islamarkaana Mar walbo ay u taagan yihiin hagaajinta iyo qurxuntiisa.
Waxaana ugu danbeyntii u mahad Celiyay cid walbo oo ka qeyb qaadatay fududeynta dhismaha interlockga suuqa weyn ee Magaalada Gaalkacyo.
Wajigii koowaad ee dhismaha inter loogii laga hirgaliyay suuqa weyn ee magaalada Galkacyo horaantii 2021 ayaa keenay in wax weyn kusoo kordhiyo bilicda magaalada galkacyo sidoo kalana sababay in si caadi ah loogu ganacsado suuqaas xiliyadii ay roobabku ka da’een Gaalkacyo halka markii hore gabi ahaanba aan lagu ganacsan jirin marka ay roobabku ka da’een taasoo ay u sabab u aheyd daadadka ka dhasha roobka oo saameyn ku yeelan jiray isku socadka dadka iyo gaadiidka.
