Ciidanka xoogga dalka iyo kuwa deegaanka ee ku sugan degmada Ceeldheer ayaa maanta helay deeq xoolo ah oo ay soo gaarsiiyeen xildhibaanno ka soo jeeda deegaanada Gobolka Gaalgaduud.
Xildhibaan Yaasiin C/Laahi Maxamuud (Yaasiin Fareey) oo ay la socdeen Taliye ku xigeenka ciidanka lugta Jeneraal C/Laahui Cirro iyo xubno kale ayaa Xoolo nool oo ari ah ku wareejiyey ciidanka xoogga dalka iyo kuwa deegaanka ee ku sugan degmada Ceeldheer.
Xildhibaanka o wakiil ka ah Xildhibaanada kale ee ka soo jeeda gobolka Gaalgaduud waxa uu ciidankaasi gaarsiiyay 120 neef oo ari ah,kuwaas oo loo qetbiyay ciidanka ku sugan Masagaway iyo ceeldheer.
Deqdaasi xoolaha ah waxaa guddoomay Taliyaha Guutada 17 aad ee kumaandooska Gorgor C/Laahi Axmed iyo Khaliif Cumar Macalin Nuur Maxamed Siyaad oo kamid ah saraakiisha ku sugan halkaasi.
