Ciidanka xoogga dalka oo kaashanaya dadka deegaanka ayaa saakay kooxaha argagixisada kala wareegay deegaanka Moqokori ee gobolka Hiiraan oo ka mid ah deegaanada fara ku tiriska ah ee argagixisada Al shabaab kaga sugnaayeen gobolka Hiiraan.
Taliyaha ururka 41aad guutada 5aad qeybta 27aad ee ciidanka xoogga dalka, Cabdi Muumin Cilmi oo la hadlay warbaahinta Qaranka ayaa u xaqiijiyay in kooxaha argagixisada ay isaga carareen deegaanka kahor inta aysan ciidanka gaarin.
Taliyaha ayaa sido kale sheegay in ciidanka xoogga ay la wareegeen deegaanka Tardo oo ku dhow deegaanka Moqokori, isla markaana si buuxda ay gacanta ugu haayaan.
