Ciidanka xoogga dalka Soomaaliyeed ayaa dharbaaxa weyn gaarsiiyay malleeshiyaad ka tirsan Argagixisada Al-Shabaab oo saakay weerar gaadmo kusoo qaaday qaybo ka mid ah degmada Balcad ee gobolka Shabeellada dhexe.
Sida uu noo sheegay wariyaheenna Shabeellada dhexe Abuukar Bacadle , ciidanka XDS ayaa kooxda nabad diidku gaarsiiyay jab xooggan iyagoo ka dilay malleeshiyaad dhowra, kana furtay hubkii ay wateen, ka dib markii ay isku dayeen inay galaan qaybo ka mid ah xaafadaha magaalada, haatanna ay xaaladdu deggen tahay.
Ciidanka xoogga dalka ayaa haatan ku raadjooga firxadka malleeshiyadii soo weerartay magaalada Balcad, waxanay wacad ku mareen inay cagta marin doonaan uguna tagi doonaan goobihii ay kasoo maleegeen weerarka.
