Ciidanka Booliska Qeybta Guud ee Gobolka Banaadir gaar ahaan ciidanka Deegaanka Ceelasha Biyaha oo sameeyay Howgal amni xaqiijin ah ayaa gacanta ku soo dhigay tiradii ugu badnayd oo ka mid ah Ciyaalweerada ah kuwaas oo watay Tooreeyo, baangado islamarkaana ku howlanaa dhibaateynta Shacabka Soomaaliyeed.
Ciidanka ayaa Kooxdaan ka qabtay waaxda Jabad-geelle ee Deegaanka Ceelasha Biyaha, waxaana Dhammaantood lagu soo xiray Saldhigga Deegaanka.
Howlgalada ka dhanka ah Ciyaal-weerada iyo Burcadda ayaa si wanaagsan u socda, waxaana Taliska Booliska Qeybta Guud ka go’an sii laba jibaaridda howgaladaan si amaanka Bulshada u noqda mid sugan.
