Xildhibaannada labada Gole ee Baarlamaanka Federaalka Soomaaliya ayaa maanta yeeshay kulan loogu doodaayo Akhrinta 2-aad ee Hindisaha Xeerka Dhismaha Guddiga Madaxabannaan ee Doorashooyinka Qaranka iyo Sohdimaha.
Fadhigan waxaa qeyb ka ah Wasiirka Wasaaradda Arrimaha Gudaha, Federaalka iyo Dib-u-heshiisiinta XFS Xildhibaan Cali Yuusuf Cali-Xoosh iyo Wasiiru dowlaha Waaaaradda mudane xildhibaan Saadaad Maxamednuur Caliyow.
Dhanka kale, Ajendayaasha kulanka waxaa qeyb ka ahaa dhaarinta xubno wasiiro ah oo dhawaan uu magacaabay Ra’iisul-wasaaraha dalka, waxaana xildhibaanada hortoda ku dhaariyey Habdhowraha Golaha Shacabka ee Baarlamaanka JFS. Wasiirada maanta la dhaariyey ayaa kala ahaa wasiiru dowlaha wasaaradda Qorsheynta Mudane Axmed Sheekh Maxamed Mashruuc iyo wasiir kuxigeenka wasaaradda waxbarashada, Hidaha iyo Tacliinta Sare Mudane Cabdirashiid Ducaale.
Sidoo kale Senator Cabdiweli Garyare oo maalin ka hor lagu soo doortay Dhuusamareeb ayaa maanta lagu dhaariyey kulanka labada Aqal ee Baarlamaanka Jamhuuriyadda Federaalka Soomaaliya.
