18 ka mid ah Taliyeyaasha Ciidanka Xoogga Dalka Soomaaliyeed ayaa loo soo gebagebeeyey tababar socday muddo 5 maalmood ah, si kor loogu qaado aqoonta ay u leeyihiin Shuruucda Caalamiga ah ee dhanka Bani’aadminimada.
Tababarkan oo ay soo qaban qaabisay waaxda Ilaalinta xuquuqul Insaanka iyo qeybta Jinsiga ee AMISOM) ayaa sidoo kale lagu baranayay sharciyada la xiriira Xuquuqul Insaanka ee habka caalamiga ah waafaqsan.
Taliyaha Ciidanka xoogga dalka Soomaaliyeed Gen. Odowaa Yuusuf Raage oo gaba gabadii tababarka ka hadlay ayaa kula dar daarmay ka qeyb galayaasha in ay ku dhaqmaan waxyaabihii ay barteen, islamarkaana ay la wadaagaan aqoonta saaxiibadood, gaar ahaan xilliyada ay socdaan howlgallada ka dhanka ah kooxda Al-Shabaab.
Madaxa taageerada howlgalka AMISOM Maj. Gen. Fidza Dludlu, ayaa isaguna ka ku boorriyay Askartii tababarka qaadatay inay ku dhaqmaan lana wadaagaan bulshada Soomaaliyeed.
