Afhayeenka Gudidda doorashooyinka Amb Axmed Safiina oo la hadlay Warbaahinta Qaranka ayaa ka warbixiyey halka uu marayo hanaanka doorashada Dalku,isagoo xusay in ay hadda meel wanaagsan marayso inkastoo uu xusay in caqabado soo wajaheen hore u socodka doorashada Golaha shacabka.
Amb Safiina ayaa xusay in hore Doorashadu uga socotay Kuraasta Gobolada waqooyi oo kuraastooda muqdisho lagu qabanayey doorashadooda,sidoo kale maamulada Koonfur galbeed iyo Galmudug ayaa iyaguna qabtay dhankooda, iyadoo haddana ay kusoo biireen labada maamul ee Jubaland iyo Puntland oo hadda bilaabaya kuraastii ugu horaysay ee doorashada Golaha shacabka ee laga soo doorto labadaas maamul.
Afhayeenka ayaa sheegay in sidoo kale Gudidda doorashada Beelaha Banaadirigu shaaciyeen qabashada 5 kursi oo lagu dooran doono Gobolka Banaadir maalmaha inagu soo aadan.
