𝐊𝐮-𝐒𝐢𝐦𝐚𝐡𝐚 𝐑𝐚’𝐢𝐢𝐬𝐮𝐥 𝐖𝐚𝐬𝐚𝐚𝐫𝐚𝐡𝐚 𝐨𝐨 𝐟𝐮𝐫𝐞𝐲 𝐓𝐨𝐝𝐝𝐨𝐛𝐚𝐚𝐝𝐤𝐚 𝐐𝐚𝐫𝐚𝐧 𝐞𝐞 𝐊𝐚𝐥𝐥𝐮𝐮𝐦𝐞𝐲𝐬𝐢𝐠𝐚

Ku-simaha Ra’iisul Wasaaraha ahna Ra’iisul Wasaare Ku-xigeenka Xukuumadda Federaalka Soomaaliya, Mudane Saalax Axmed Jaamac, ayaa maanta si rasmi ah u furay Toddobaadka Qaran ee Kalluumeysiga Soomaaliyeed.

Mudane Saalax Axmed Jaamac ayaa khudbaddiisa ku soo bandhigay hodantinimada kheyraadka badda Soomaaliya iyo muhiimadda ay leedahay in si hufan looga faa’iideysto, si loo kobciyo dhaqaalaha dalka, loo abuuro fursado shaqo, loona xoojiyo sugnaanta cuntada.

Ku-simaha Ra’iisul Wasaaraha ayaa adkeeyay muhiimadda horumarinta Dhaqaalaha Buluugga ah, dhiirrigelinta maalgashiga kalluumeysiga, iyo tayeynta awoodda kalluumeysatada Soomaaliyeed, si kheyraadka badda uu door muuqda uga qaato horumarka iyo kobaca dhaqaalaha qaranka.