𝐑𝐚’𝐢𝐢𝐬𝐮𝐥 𝐖𝐚𝐬𝐚𝐚𝐫𝐞 𝐗𝐚𝐦𝐬𝐚: 𝐨𝐨 𝐝𝐡𝐚𝐧𝐤𝐚 𝐓𝐞𝐥𝐞𝐟𝐨𝐨𝐧𝐤𝐚 𝐤𝐮𝐥𝐚 𝐱𝐢𝐫𝐢𝐢𝐫𝐚𝐲 𝐀𝐫𝐝𝐚𝐲𝐝𝐢 𝐤𝐚𝐚𝐥𝐦𝐚𝐡𝐚 𝐡𝐨𝐫𝐞 𝐤𝐚 𝐠𝐚𝐥𝐚𝐲 𝐈𝐦𝐭𝐢𝐱𝐚𝐧𝐤𝐚 𝐃𝐮𝐠𝐬𝐢𝐲𝐚𝐝𝐚 𝐒𝐚𝐫𝐞

Ra’iisul Wasaaraha Xukuumadda Jamhuuriyadda Federaalka Soomaaliya Mudane Xamsa Cabdi Barre, ayaa dhambaal hambalyo ah u diray Ardayda Soomaaliyeed ee ka gudubtay Imtixaanka Shahaadiga ah ee Dugsiyada Sare ee Dalka, ayaa dhanka Telefoonka kula xiriiray Saddexdii Arday ee Kaalmaha hore ka galay Imtixaanka iyo Waaliddiintood.

Ra’iisul Wasaare Xamsa, ayaa ardayda Soomaaliyeed, waaliddiintooda iyo macallimiintii wax-soo baray ku ammaanay dadaalka aan kala joogsiga lahayn, kartida iyo samirka ay muujiyeen muddadii ay ku jireen waxbarashada, isaga oo si gaar ah u xusay in guusha maanta la gaaray ay tahay mid ka dhalatay juhdiga ardayda, taageerada waaliddiinta, dadaalka macallimiinta iyo bahda waxbarashada dalka oo iskaashaday si loo xaqiijiyo guusha ay maanta gaareen Ardayda Soomaaliyeed.

“Waxa aan u hambalyeynayaa Macallimiinta, Waaliddiinta iyo guud ahaan ummadda Soomaaliyeed gaar ahaan bahda waxbarashada dalka, waxa aan leeyahay hambalyo, ummad waxa ay ku dhisantaa oo isbeddelkeedu ka yimaada jiilkeeda waxbaranaya, markasta oo dadkeennu ay waxbartaan waxa aynu u dhowaananaa dhanka wanaagsan ee isbeddelka”. Ra’iisul Wasaare Xamsa Cabdi Barre.

Mudane Xamsa, ayaa sheegay in Xukuumadda DanQaran ay ka go’antahay in la-waayo arday Soomaaliyeed oo xilligii waxbarashada gaaray oo aan iskuul aadeyn, isaga oo waaliddiinta Soomaaliyeed ku boorriyey sida ay carruurteenna ugu barbaariyeen dhanka waxbarashada.

Ugu Dambayn: Ra’iisul Wasaare Xamsa Cabdi Barre, ayaa ballan-qaaday in dhammaan waxbarashadooda ay Dowladda Soomaaliya dabooli-doonto Saddexda Arday ee kaalmaha ugu sarreeya ku guuleystay kuwaas oo kala ah.

𝟏. 𝐌𝐚𝐱𝐚𝐦𝐞𝐝 𝐂𝐢𝐢𝐬𝐞 𝐃𝐚𝐚𝐡𝐢𝐫 𝐘𝐮𝐮𝐬𝐮𝐟, 𝐃𝐮𝐠𝐬𝐢𝐠𝐚: 𝐇𝐚𝐰𝐥-𝐖𝐚𝐝𝐚𝐚𝐠, 𝐌𝐮𝐪𝐝𝐢𝐬𝐡𝐮-𝐁𝐚𝐧𝐚𝐚𝐝𝐢𝐫.                                                                                        𝟐. 𝐅𝐚𝐫𝐱𝐢𝐲𝐚 𝐅𝐚𝐚𝐫𝐚𝐱 𝐂𝐮𝐦𝐚𝐫 𝐂𝐢𝐠𝐚𝐚𝐥, 𝐃𝐮𝐠𝐬𝐢𝐠𝐚: 𝐀𝐡𝐦𝐞𝐝 𝐁𝐢𝐧𝐮 𝐇𝐚𝐦𝐛𝐚𝐥, 𝐊𝐢𝐬𝐦𝐚𝐚𝐲𝐨-𝐉𝐮𝐛𝐚𝐥𝐚𝐧𝐝.                                                                        3-𝐀𝐚𝐦𝐢𝐧𝐨 𝐊𝐡𝐚𝐚𝐥𝐢𝐝 𝐂𝐚𝐛𝐝𝐚𝐥𝐥𝐚 𝐀𝐱𝐦𝐞𝐝, 𝐃𝐮𝐠𝐬𝐢𝐠𝐚: 𝐈𝐦𝐚𝐚𝐦𝐮 𝐒𝐡𝐚𝐚𝐟𝐢𝐜𝐢 (𝐒𝐡. 𝐌𝐚𝐝𝐚𝐫), 𝐌𝐮𝐪𝐝𝐢𝐬𝐡𝐮-𝐁𝐚𝐧𝐚𝐚𝐝𝐢𝐫.