Laascaanood,(Wargeyska Dalka):- Raโiisul Wasaaraha XJFS Mudane Xamsa Cabdi Barre ayaa Boqolaal Shacab ah iyo Hoggaanka Sare ee Dowlad-Goboleedka Waqooyi Bari Caawo kala qeybgalay Xafladda Sanad-Guuradda Koowaad ee kasoo wareegtay asaaska Maamulkan, taas oo lagu qabtay Fagaare ku yaala Magaalada Laascaanood.
Hadal-jeedin dhinacyo badan taabanaysay oo uu Raโiisul Wasaare Xamsa ka jeediyay ayuu ku bogaadiyay sida Maamulka durba u hano-qaaday, isaga oo u qirey Waqooyi Bari ka Maamul ahaan wax badan u qabsoomeen, tahayna in Shacabka ay ku faro adeegaan. Wuxuu intaas ku daray in Dowladda Federaalka ka goโantahay tabantaabinta Waqooyi Bari oo uu xusey in ay tahay astaan Midnimo.
Raโiisul Wasaaraha ayaa Hambalyo u diray Shacabka Reer Waqooyi Bari meel walba ay joogaan dal iyo debbadba, wuxuuna bogaadiyey horumarka ay ku tilaabsatay halkaa Sanno oo uu jiray Maamulka Waqooyi Bari.
โDeegaankaan Dad Geesiyaal ah ayaa kasoo jeeda, Ummadda Soomaaliyeedna raadkaasi ayey daba socdaan, muddo dheer oo uu dagaal ku jiray, haddane ku socdo waa sababtaasi, meel fog baad Dadka Soomaaliyeed ugu qoron tihiin, hormuudna waa u tihiinโ ayuu yiri Raโiisul Wasaare Xamse .
Wuxuu ugu baaqay Shacabka iyo Maamulkaba in si Walaalnimo ah oo Daris-Wanaag ah kula dhaqmaan dowlad-goboleedyada kale , lana tixgaliyo Xiriirka Ehelnimo ee Bulshada ka dhaxeeya.
Dhanka kale Raโiisul Wasaaraha ayaa u Hambalyeey Doorashadii Qof iyo Codka ee dhowaan ka dhacday Dowlad Goboleedka Galmudug, wuxuuna xusey in meelo kale oo Dalkana laga qaban doono, si awoodda Shacabka loogu celiyo. Wuxuu cambaareeyay Aragtiyada Siyaasiyiinta qaar ka soo yeertay ee ah in talada Dalka laga saaro gacanta Soomaalida, taas oo uu sheegay wax aanan marnaba dhici doonin.
Mar uu soo hadal-qaaday caqabadaha waaweyn ee Dalka haysta ayuu sheegay in ay kala yihiin Kooxaha Argagixisada ee Fikradaha qaldan xambaarsan iyo Kooxaha siyaabaha kala duwan u abaabul ee Horumarka Dowladnimo ee Dalka diiddan.
Intii ay Xafladda socotay waxaa hadalo kooban jeediyay qaar ka mid ah Xubnaha Golaha Wasiiradda Federaalka oo ay faahfaahiyeen Mashaariic heerkii fulinta gaaray ee haatan laga hirgalinayo Deegaanadan.
