𝐑𝐚’𝐢𝐢𝐬𝐮𝐥 𝐖𝐚𝐬𝐚𝐚𝐫𝐞 𝐗𝐚𝐦𝐬𝐚: 𝐀𝐪𝐨𝐨𝐧𝐲𝐚𝐡𝐚𝐧𝐤𝐚 𝐛𝐚𝐫𝐭𝐚𝐲 𝐃𝐚𝐜𝐰𝐚𝐝𝐚 𝐰𝐚𝐱𝐚 𝐚𝐲 𝐫𝐞𝐣𝐨 𝐮 𝐲𝐢𝐡𝐢𝐢𝐧 𝐮𝐦𝐦𝐚𝐝𝐝𝐚 𝐈𝐬𝐥𝐚𝐚𝐦𝐤𝐚 𝐚𝐡

Ra’iisul Wasaaraha Xukuumadda Jamhuuriyadda Federaalka Soomaaliya Mudane Xamsa Cabdi Barre, ayaa galabta ka qey -galay munaasabadda qalin-jabinta Dufcaddii Kowaad ee heerka Master-ka Dacwada iyo Garsoorka, kuwaas oo noqonaya ardaydii ugu horeysay ee ka qalin-jabisa Machadka Sare ee Arrimaha Dacwada iyo Daraasaadkq Islaamka.

Ra’iisul Wasaaraha, ayaa hambalyo u diray ardayda qalin-jabisay isaga oo ku bogaadiyey dadaalka iyo kartida ay ku gaareen heerkan tacliimeed, wuxuunna ku boorriyey in aqoonta ay u adeegsadaan ilaalinta caddaaladda, ku dhaqanka sharciga iyo u adeegidda bulshada Soomaaliyeed si daacadnimo iyo hufnaan leh.

Waxa uu sheegay Ra’iisul Wasaare Xamsa in dadka bartay Culuumta Islaamka, ay yihiin kuwii ilaalin lahaa caqiiqqda Islaamka iyo Sunnaha Rasuullka, “Aqoonyahanka bartay Dacwada waxa ay rejo u yihiin ummadda Islaamka ah, waxa ay albaab u furaan kuwa quustay, waxa ayna ilaaliyaan midnimada ummadda, doorarkaas muhiimka ah ayey culimada Soomaaliyeed u taagan-yihiin”.

Mudane Xamsa, ayaa sheegay in Xukuumadda DanQaran ay dajisay siyaasad Qaran oo lagu nidaaminayo Culuumta Shareecada, iyada oo lagu salaynayo caqiidada saxda ah, lana<br>mideeyay dhammaan dugsiyada lagu barto Cilmiga Dacwada.

Dhanka kale Ra’iisul Wasaaraha, ayaa bogaadiyey wada-hadallada dowladda iyo saamilleyda siyaasadda kuwaas oo muhiimad weyn u leh horumarka Qaranka iyo shacabka Soomaaliyeed, waxa uunna ugu baaqay dhammaan dadka doonaya in ay shacabka Soomaaliyeed hoggaamiyaan in ay dowladda ku taageeraan ciribtirka Khawaarijta iyo adkeynta midnimada Qaranka.