Ra’iisul Wasaare Ku xigeenka Xukuumadda Jamhuuriyadda Federaalka Soomaaliya, Mudane Saalax Axmed Jaamac, ayaa maanta si rasmi ah u furay Shirweynaha 3-aad ee Madasha Horumarinta Soomaaliya (Somalia Development Forum), oo ay si wadajir ah u soo qabanqaabiyeen machadka Heritage iyo Jaamacadda City.
Ra’iisul Wasaare Ku-Xigeenka ayaa sheegay in Soomaaliya ay ku tallaabsatay horumar muuqda dhinacyada dib-u-habaynta dowladnimada, dimuqraadiyadda, kobaca dhaqaalaha iyo maalgashiga, inkasta oo ay jiraan caqabado ay ka mid yihiin isbeddelka cimilada, hoos u dhaca taageerada caalamiga ah.
Sidoo kale Waxa uu xusay in dowladda ay ka go’an tahay dardargelinta hirgelinta Qorshaha Isbeddelka Qaranka (NTP 2025–2029), xoojinta kaabeyaasha dhaqaalaha iyo u diyaar-garowga khataraha soo socda.
Mudane Saalax Axmed Jaamac ayaa tilmaamay muhiimadda wada-hadalka, dowlad-dhiska loo dhan yahay, iskaashiga dowladda iyo bulshada rayidka ah, aqoonyahannada iyo bah-wadaagta horumarinta si loo helo Soomaaliya nabad ah.
