Wasiirka Wasaaradda Waxbarashada, Hiddaha iyo Tacliinta Sare, mudane Faarax Sheekh Cabdulqaadir iyo Guddoomiyaha Jaamacadda Ummadda Soomaaliyeed Prof, Dr. Maxamed Maxamuud ayaa maanta kormeer indho-indheyn ah ku tagay Xarunta Gaheyr ee Jaamacadda Ummadda, si ay u qiimeeyaan halka ay marayaan howlaha dhismaha iyo casriyeynta ah ee ka socda xaruntan.
Madaxda ayaa warbixin ka dhageystay masuuliyiinta iyo injineerrada gacanta ku haya mashruuca casriyeynta xarunta Gaheyr, iyagoo u kuurgalay heerka uu marayo dhismaha tan iyo markii la dhagax dhigay bishii May 02.
Wasiirka iyo Guddoomiyaha ayaa muujiyay sida ay uga go’an tahay in la dhammeystiro dhismaha xaruntan, si ay u noqoto deegaan waxbarasho oo casri ah kana jawaaba baahiyaha sii kordhaya ee ardayda Soomaaliyeed.
