Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya oo maanta kulan wadajir ah yeeshay ayaa sii amba qaaday ka doodista qodobada labada cutub ee 7-aad iyo 8-aad ee dastuurka KMG-ka ah, waxaana kulanka shir guddoominayey Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) oo ay wehliyaan Guddoomiye kuxigeenka koowaad ee Golaha Aqalka Sare Mudane Cali Shacbaan Ibraahim, guddoomiye kuxigeennada labada aqal.
Kulanka wadajirka ah ee maanta ayaa Xildhibaanadda labada aqal waxa ay kusii amba qaadeen ka doodista dastuurka KMG-ka ah, qodobadiisa 7-aad iyo 8-aad.
Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya oo kulanka soo xiray ayaa sheegay in maanta lasoo gaba gabeeyey ka doodista cutubyada todobaad iyo sideedaad ee dastuurka, islamarkaana kulanka kan xiga la bilaabi doono ka doodista cutubka 9-aad ee dastuurka.
