Ciidanka Kumaandooska Danab ee Xoogga Dalka Soomaaliyeed, oo kaashanaya saaxiibada caalamiga ah, ayaa fuliyay howlgal bartilmaameed ah oo guul leh, kaas oo ka dhan ahaa argagixisada Al-Shabaab. Howlgalka ayaa ka dhacay agagaarka deegaanka Warmaxan ee gobolka Shabeellaha Hoose.
Howlgalkaasi oo dhacay 6-dii Febraayo ayaa lagu dilay laba ka mid ah maleeshiyaadka Khawaarijta Al-Shabaab, halka laba kale oo ka tirsanaa kooxdaasi gacanta lagu dhigay. Sidoo kale, ciidamadu waxay burburiyeen bar-kontarool ay Al-Shabaab lahaayeen.
Intaa waxaa dheer, howlgalka ayaa lagu soo qabtay walxo qarxa oo ay maleeshiyaadku qorsheynayeen inay u adeegsadaan cabsi-gelinta iyo waxyeellaynta shacabka Soomaaliyeed ee aan waxba galabsan.
