Muqdisho(Wargeyska Dalka):-Wasiirka Arrimaha Gudaha, Federaalka iyo Dib-u-heshiisiinta Xukuumadda Federaalka Soomaaliya, Mudane Hon. Cali Yuusuf Cali (Xoosh), ayaa ka qeybgalay Shirweynaha 1aad ee Guddiga Sare ee Difaaca.
Kulanka waxaa ka qeyb galay wasiirro ka socday Dowladda Federaalka Soomaaliya, hoggaanka sare ee hay’adaha amniga, iyo sidoo kale wakiillo ka socday safaaradaha iyo saaxiibada caalamiga ah ee taageera ajendaha qaran ee amniga iyo difaaca Soomaaliya.
Shirkan ayaa lagu soo bandhigay guulaha ay dowladda Soomaaliya ka gaartay dhinaca amniga, waxaana si qoto dheer loogu falanqeeyay xoojinta wadashaqeynta heerarka kala duwan ee dowladda, isku-duwidda taageerada saaxiibada caalamka, iyo horumarinta mudnaanta wadajirka ah ee lagu xoojinayo amniga qaranka, xasilloonida, iyo adkeyta dowladnimada.
