Awdheegle:– Guutooyinka Gorgor iyo 14-ka October ee ka tirsan Ciidanka xoogga dalka Soomaaliyeed ayaa howlgal qorsheysan ku beegsaday maleeshiyaad ka tirsan Khawaarijta, oo ay ku jiraan horjoogayaal, kuwaas oo ku sugnaa deegaanka Jowhar-Awdheegle oo 5 KM u jirta degmada Awdheegle.
Howlgalka ayaa lagu bartilmaameedsaday goob ay Khawaarijta isugu yimaadeen shirar iyo abaabul ay ku doonayeen inay ku dhibaateeyaan shacabka Soomaaliyeed ee aan waxba galabsan.
Ciidanka Guutada 175-aad ee Gorgor iyo Guutada 146-aad ee 14-ka October ayaa si wadajir ah u fuliyay weerarkan qorshaysan, iyaga oo khasaare kala duwan gaarsiiyay kooxaha argagixisada ah ee aan naxariista lahayn.
