Dalka Soomaaliya waxaa marba marka kale ku soo badanaayo dadka isticmaala muqaadaraadka kala duwan ee dalka soo gala.
Muqaadaraadka ayaa inta badan waxaa lagu iibiyaa magaalooyinka waa weeyn ee dalka inta badan waxaa iibiya rag iyo haween Soomaliyeed kuwaas oo sheegta mar walba daruufo kala duwan sida inay ilmahooda ka biishaan.
Dadka inta badan isticmaala muqaadaraadka ayaa sidoo kale isugu jira Rag iyo dumar, iyagoo isticmaalkooda sabab uga dhiganaya inay waqtiga isku dhaafinayaan.
Haddaba haddii aan u soo laabanno ragga ku talax tegay marqaanka iyo dhacdooyinka ay kala kulmeen waxaa ka mid ah.
Mid ka mid ah Ragga marqaama oo iga codsaday in aan magaciisa xusin ayaa iiga sheekeeyey dhowr dhacdo oo la yaab leh oo uu la kulmay iyo kuwa saxiibadiisa ay la kulmeen.
Sheekada ugu horreysa ee uu iisheegay ninkan ayaa Ku bilaabay, bari baa suuqa aaday waxaan soo iibsaday qaad, sigaar iyo biyo caafi oo qaboow waxa aan soo aaday guri waxaan imaaday amin casir liiq ah waxaan ooridayda ku iri ii kari shaah caleentiisu qafiif tahay sonkortana ay ku badan tahay.
maqribka ayaan tukaday waxaan u fariistay qayilaaddii, isla markiiba waan bilaabay iyada oo ay iishidan tahay hees qaraami ah, sidii aan u qayilayey anigoo fadhiyay saacado badan ayaan u yara kacay musqul.
In yar ka dib waan soo xaaja gutay waan soo baxay sidii aan u socday ayaan fariistay barxadda guriga weliba meel ay Ariga fariistaan oo ay ku nastaan.
Anigoo moodaya inaan fadhiyo firaashkeyga islana quman ayaa waxaan ku tiirsaday Ri’ ka mid ah ri’yihii guriga nagula noolaa oo Meesha fadhiyay waxaana barkaday anigoo moodaya barkinteyda, balse Ri’dii oo yaaban ayaa markiiba Meesha ka dhaqaaqday.
waan naxay anigoo is leh xagee barkinta iga aaday, haddaan saan u eegayba waaba barkintii oo sii socota, waan kacay anigoo is leh barkinta soo qabso, balse ri’dii markay aragtay in aan soo daba socdo wey iga sii carartay, qabo sidaan isu lahaa ayaan dhulka ku dhacay weliba meel dhiiqo ah.
markaas ayaan miirka helay waxaana is arkay anigoo dhex joogo mooradii ariga, taasina waxaa u sabab ahayd marqaanka, dhibkaas ayuu leeyahay marqaanka ayuu yiri ninka sheekada iisheegay.
Sheekada labaad ayaa ah sheeko cajiib ah, waxaa jiray Nin qayilayay oo marqaamay ayaa waxaa ku dhacday dhacdo cajiib ah taasi oo ah: in ninkan ayaa gaaray heerka ugu sarreeya ee marqaan ka dib markii uu arkay intii uu marqamayey armaajada gurigiisa ku jirta oo wixii ku jiray oo dhan mid mid duburka looga galinayo, wuxuu la yaabanaa arrinta socota, sidii loogu waday oo uu u adkeysanaayey ayaa markii danbe markii ay dhamaadeen wixii ku jiray ayaa Armaajadii inta la soo qaaday laga galin rabay dubarka balse, ninkii marqaamayey ayaa intaas ka dib iscelin waayey qaylana afka furtay ka dibna dadka u sheegay in armaajo duburka laga galin rabo.
Dadkii ayaa inta ay yaabeen ku qosleen taasina waa sabab ka mid ah sababaha marqaanka.
Haddaba, marqaanka badan haddii aadan iska dhaafin wuxuu ku dhaxalsiin doonaa waali ka joog intay goori goor tahay.
WQ: Abdinaasir Yuusuf Aadan
