Ciidanka Xoogga dalka Soomaliyeed gaar ahaan guutada 26-aad ee Cali Binu Abii Daalib ayaa howgallo ballaaran ka sameeyay tuulooyinka Ceel gorof, Ceel boorre iyo Geeddi koror oo u dhaxeeya xadka gobollada Hiiraan iyo Galgaduud.
Howlgalkan ayaa waxaa hoggaaminaayay taliyaha guutada 26 -aad ee Cali Binu Abii Daalib gaashaanle, Ismaaciil Cabdi Maalik Maallin, waxayna ciidamadu ku guuleysteen in ay isku furaan waddada xiriirisa Degmada Maxaas iyo Wabxo.
Ciidanka xoogga ayaa intii ay howlgalka ku jireen waxay waddooyinka qaar ay ka saareen miinooyin ay argagixisadu ku aaseen, iyadoo malleeshiyaadkii halkaasi ku sugnaana ay isaga carareen.
