Inkastoo heshiis xabad joojin ah uu dhex maray dhinacyada ku dagaalmaya Suudaan, haddana waxaa magaalada Khartuum ee caasimada Suudaan laga maqlayaa deryanka Madaafiicda culus.
Wararka ayaa sheegaya in la maqlayo dhawaqa Rasaasta iyo duqeymo dhanka cirka ah oo ka dhacaya koonfurta iyo waqooyi bari ee magaalada Khartuum, kuwaasi oo u dhaxeeya ciidamada milatariga iyo kuwa RSF.
Dagaalada iyo duqeymahan dib ugu bilowday magaalada Khartuum ayaa meesha ka saaray rajadii iyo deganaanshiyahii yareyd ee ka jiray magaalada, xilli uu si rasmi ah u dhaqan galay heshiis xabad joojin ah oo ay wada gaareen labada dhinac.
