Innaa lillaahi wa innaa ileyhi Raajicuun. Alle ha u naxariisto qoraa sare Marxuum Ciise Faarax oo kamid ahaa shaqaqaalaha wasaaradda Warfaafinta, Dhaqanka iyo Dalxiiska XFS oo goor-dhow ku geeriyooday magaalada Muqdisho.
Marxuumka ayaa dhawaanahan ku xanuunsanayay magaalada muqdisho,waxa uuna markii ugu dambeysay ka howlgalayay Wargeeyska Dalka, oo uu ka ahaan jiray tifaftire, sidoo kale waxa uu kamid ahaa qorayaashii sar sare ee ka soo shaqeeyay wargeyska Xidigta Oktoober, balse hadda loo yaqaan wargeyska Dalka.
Wasiirka Warfaafinta Dhaqanka iyo Dalxiiska XFS mudane Da’uud Awey Jaamac, wasiir ku xigeenka, Agaasimaha Guud iyo dhammaan bahda Warfaafinta ayaa ugu tacsiyeeyey Ehellada iyo qoyska uu ka baxay Marxuum Ciise Faarax, iyaga oo alle uga baryay marxuumka in janatul fardowsa ka waraabiyo.
