Xoghayaha Guud ee Qaramada Midoobey Antonio Guterres oo subaxnimadii saaka kusoo dagay goroonka caalamiga ah ee Aadan Cade isla markaasna Qasriga madaxtooyada Soomaaliya wadahadal kula yeeshay madaxweynaha Soomaaliya mudane Xasan Sheekh Maxamuud ayaa wuxuu ugu sii gudbay magaalada baydhabo ee caasimada KMG dowlad-goboleedka Koofur galbeed Soomaaliya.
Xoghayaha iyo wafdigiisa waxaa garoonka diyaaradaha ku soo dhoweeyay ku-simaha Madaxweynaha ahna Gudoomiye ku xigeenka 2-aad ee Baarlamaanka Marwo Shamso Maxamed Yarow, Wasiirka Gargaarka, Wasiirka Dekadaha, Wasiirka Arimaha Gudaha iyo Gudoomiyaha Degmada Baydhabo.
Mr Guterres ayaa booqashadiisa la xiriirta Arrimaha bani’aadanimada iyo taageerida howlgalka ay hoggaamineyso dowladda Federaalka ee la dagaalanka Al-Shabaab.
