Dhulka Falastiiniyiinta ayaa waxaa maanta oo Arbaca ah ka taagan xiisad, kadib markii ciidamada Israa’iil ay weerar ku qaadeen dad ku cibaadeysanayay Masjidka Al-Aqsa, iyagoo sidokale Gantaallo ku garaacay qeybo kamid ah Gaza.
Ciidamada Yahuuda ayaa barqanimadii Saaka weerarro ku ekeeyey dadkan ku cibaadeysanayay Masaajidka Al-Aqsa, taasoo ay shegeen inay kaga jawaabayaan rabshado ay sameeyeen dhalinyaro reer Falastiin ah.
War uu baahiyay Raadiyaha Xamaas, ayaa lagu sheegay in Ciidamada Israa’iil ay duqeymo la beegsadeen labo xero oo ay deganyahiin dad Shacab ah, taasi oo ku taala gudaha magaalada Gaza.
Tallaabadan ay ku kaceen Ciidamada Israa’iil ayaa waxaa canbareeyay qaar ka mid ah dalalka Carabta, sida Sacuudiga, Masar iyo Urdun, iyaga oo falkan ku tilmaamay mid waxuushnimo ah.
