Madaxweynaha Xiriirka Caalamiga ee Kubadda Cagta ( FIFA), Gianni Infantino ayaa soo dhoweeyay doorashada Guddoomiyaha Xiriirka Kubadda Cagta ee Soomaaliya Mudane Cali Cabdi Maxamed iyo xubnaha kale ee Guddiga Fulinta ee dhowaan magaalada Muqdisho lagu doortay.
Warqad qoraal ah oo Madaxweynaha FIFA u soo diray Guddoomiye Cali Cabdi Maxamed ayuu ku xusay in FIFA ay garab taagan tahay Xiriirka Kubadda Cagta ee Soomaaliya, ayna rajeyneyso in ay kaalin weyn ka geysan doonaan horumarka Kubadda Cagta ee Soomaaliya.
