Ciidanka Xoogga Dalka Soomaaliyeed, gaar ahaan ururka 83-aad, guutada 14-ka October ee fadhigooda yahay deegaanka Janaale ee Gobolka Shabeellada hoose ayaa xalay ku dilay afar xubnood oo ka mid ahaa khawaarijta duleedka deegaanka Janaale.
Howlagalka ayaa dhacay kadib markii ay Ciidanka xoogga dalka heleen xog ku aaddan koox ka tirsan khawaarijta oo isku abaabulaya goob ku dhow degaanka Janaale si ay weerar gaadmo ah ugu qaadaan Ciidanka xoogga.
Taliyaha guutada 14-ka October ee Xoogga dalka Gaashaanle dhexe, Nuur Maxamed Gaabow “Nuur Fareey” ayaa warbaahinta Qaranka u sheegay in Khawaarijta dagaalkan looga dilay afar xubnood sidoo kalena looga furtay saanadii ay ku hawlgalayeen
