Magaalada muqdisho waa caasimada dalka waxaana ku nool caasimada dad aad u badan kuwaa oo lagu qiyaaso in ay gaarayaan sadax Milyo ilaa sadax malyan iyo bar kuwaa oo hormaro kala duwan kawada caasimada dalka.
Bulshada Soomaaliyeed ee ku nool caasimada dalka waxa ay u keenaan faa’ido kala duwan oo ay ku hormarinayaan dalka ayaga oo keenay ganacsiyo kala duwan oo casri ah kuwaa oo adduunka si saa’id ah looga isticmaalo isla markaana hormaro baaxad leh laga sameeyey ganacsiyadaas.
Beerahan cusub ee magaalada muqdisho ku soo badanaayo waa beero ay bulshada Soomaaliyeed aysan hori u aqoon sababtoo ah bulshada Soomaaliyeed waxa ay garan jireen Beeraha ku baxa Wabiyada Jiinkiisa ama hareerihiisa, Beeraha ku baxa Ceelka iyo Beeraha ku baxa xili roobaadka balse Beerahan casriga oo ah beero aad loo qalabeeyey islamarkaana xanaanadooda ay sareeso.
Hadaba qaab noocee ah ayaa looqaabeeyaa Beerahan casriga ee caasimada dalka ku soo badanaayo.
Beerahan casriga waa Beero aad loo casriyeey isla markaana waxaa loo casriyeey qaab aad u cajiib ah oo indhaha aad u soo jiidanaayo.
Beerahan casriga dabacan waa beero loo dhisay qaab aad u heersareeyo waxaana loo adeegsadaa Guryo loo dhisay qaabka teendhooyinka ah oo dadan isla markaana Ka ilaalineyso in ay beerta soo weeraraan cayayaanada cuno beerta iyo sidoo kalena waxa ay Ka ilaalineysaa daanyeerada ku dheelaha Beeraha.
Hadaba maxay faa’ido ay leeyihiin beerahan casriga ah ee laga hirgeliyey magaalada muqdisho dhexdeeda.
Faa’idooyin badan ayey leeyihiin beerahan casriga ah ee laga hirgeliyey magaalada muqdisho waxaana ay kala yihiin.
- Bulshada Soomaaliyeed ee ku nool caasimada waxa ay u sahlayaan dalagyo fireesh ah islamarkaana ay helayaan oo aan waqti badan aan ku qadaneynin.
- Bulshada ku nool caasimada dalka ayaa Ka reesanaayo qudaarta iyo dalagyada kala duwan ee looga keeno Afgooyo ilaa iyo gobolada dalka balse taasi badalkeeda muqdisho ayaa lagu Beeraa oo dalagyadana laga helaa.
- Beerahan casriga waxaa laga helaa qudaar aan dalka ka bixi jirin ayey beeraan oo lagu iibiyaa suuqayada magaalada muqdisho qudaartaasna waxaa Ka mid ah Yaanyo waa weyn ee intabadan Ka baxa wadamada Kenya iyo Ethiopia sidoo kalena Beeraha waxaa Ka baxa Istiroobari , Afa kaadho iyo qudaar badan oo kala duwan.
Ugu danbey Bulshada Soomaaliyeed ee caasimada ku nool waa bulsho u diyaarsan hormarinta ganacsiyadooda kala duwan taasina waxaa laga dheehan karaa caasimada dalka hormaro kala duwan sameesay.
Dowladduna waxaa looga baahan yahay garab istaagto , dhiirigalin iyo ufududeenta ganacsiyadooda in ay u iibgeeyaan wadamada kala duwan ee adduunka.
WQ: Abdinaasir Yuusuf Aadan
