Kooxda Dab damiska Gobolka Banaadir oo kaashaneyso Ganacsatada Suuqa Bakaaraha ayaa ku guulaystay daminta dab ka kacay gudaha Suuqa weyn ee Bakaaraha, dabkaas ayaa sababay khasaaro hantiyeed oo balaaran.
Maamulka Sare ee Gobolka Banaadir oo uu hogaaminayey Kusimaha gudoomiyaha ahna Gudoomiye ku xigeenka Maamulka iyo Maaliyadda Gobolka Banaadir Iyo Taliyaha Booliiska Gobolka Banaadir ayaa gurmad u fidiyey ganacsatada suuqa bakaaraha, ayagoo xilweyn iska saaray sugida amniga iyo la socodka Howsha ay wadeen kooxaha dab damiska.
Ciidanka Amniga ayaa dadaal xoogan ku bixiyey sugidda amniga hantida ganacsatada iyo guud ahaan amaniga guud ee suuqa Bakaaraha.
