Wiil 17 sano jir ah oo looga shakisan yahay in uu Toori ku dilay Macllinkiisa ayaa la qabtay, kaasi oo la sheegay inuu kaligii ku jiray fasalka marka uu dhacay dilka.
Dilka ayaa ka dhacay Machadka farsamada gacanta ee Ebbenbüren, oo ku yaalla galbeedka dalkaasi Jarmalka, sida uu sheegay Booliska dalkaas.
Sarakiisha Booliska ayaa sheegay in wiilka dhalinyarada ah ee looga shakisan yahay dilka, uu markii mindi ku dhuftay macallinkiisa u yeeray kooxaha gurmadka deg dega ah, markii ay ciidamada booliska u yimaadeen ay isla goobta ka soo qabteen, isaga oo aan sameynin wax iska caabbin ah.
Ciidanka Booliska Jarmalka, gaar ahaan kuwooda ka howl gala Munster, ayaa sheegay in dhawaan warbaahinta ay la wadaagi doonaan natiijada baaritaanka ardaygan lagu tuhunsanyahay inuu geystay dilka macallinkiisa.
