Hay’adda İHH oo laga leeyahay dalka Turkiga ayaa kaalmo isugu jirta raashin bisil iyo lacag gaarsiisay dadkii ku dhaawacmay qaraxii 29 October ee Khawaarijta ay ku xasuuqeen dadka shacabka ah.
Deeqdaan ka timi shacabka Turkiga ayaa la gaarsiiyay cisbitaalka Madina ee magaalada Muqdisho, waxayna deeqdan oo socon doona 3-maalin, maalintii koowaad la gaarsiiyay 78 dhaawac oo ku jira cisbitaalka Madina lana siiyay qofkiiba 125 dollar iyo raashin bisil.
Uqeybsamaha hay’ada İHH ayaa sheegay in 200 oo dhaawac ay midkiiba siin doonaan $125, isla markaana 500 bukaan ay uqeebindoonaan raashin bisil.
Sidoo kale, lataliyaha xaaladaha degdega ah ee hay’adda musiibooyinka Dr. Abdulahi Muuse Axmed oo goobta ka hadlay ayaa u mahadceliyay shacabka iyo dowlada Turkiga sida ay u garab taagan yihiin shacabka Soomaaliyeed.
