Kulankan looga hadlayay wada-shaqeynta Wasaaradda Qorsheynta, Maalgashiga iyo Horumarinta Dhaqaalaha Xukuumadda Federaalka Soomaaliya iyo golaha Shacabka ayaa ka dhacay xarunta dhaxe ee Wasaaradda, iyada oo kullanka ay ka qeyb galeen agaasimayaasha Waaxyaha, La-taliyaasha Wasaaradda iyo ku xigeenka Xoghayaha golaha Shacabka Baarlamaaka Federaalka iyo Agaasimayaal.
Kullanka ayaa looga hadlay shaqooyinka kala duwan ee wasaaradda u hayso qaranka oo ay ka mid yahiin shuruucda hortaala Baarlmaanka sidii loo marin lahaa Golaha, Qorshaha Horumarinta Qaranka, Mashaariicda socda, si ay ula socdaan golaha shacabka iyo guddiyada Baarlamaaka, taasoo sahalaysa dar-dargelinta howlaha qaranka ee dhinaca laanta sharci dajinta.
Kullanka ayaa qeyb ka ah kulamo kala duwan oo horay sidan oo kale madaxda wasaradda ula qaadatay guddoonka gollaha shacabka iyo Xoghayaha Gollaha, iyada oo ujeedada ugu wayna ay tahay in wada shaqeyn wanaagsan dhaxmarto golaha shacabka iyo Wasaaradda si hufnaanta shaqo iyo isla xisaabtanka ay u noqdaan kuwo daah-furan.
