Weerar ay maanta oo Arbaca ah ku qadeen Ciidamada Israa’iil, magaalada Jeniin ayay ku toogteen muwaaddin Falastiini ah oo halkaasi ku suganaa.
Wissaam Bakar, oo ah Agaasimaha Isbitaalka Khaliil Suleymaan ee magaalada Jeniin, ayaa sheegay in wiil dhalinyaro ah uu u dhintay Rasaas ay ku fureen ciidamada Yahuudda, intii uu socday iska horimaad subaxnimadii hore ee saakay ka dhacay waqooyga magaalada.
Goob joogayaal ayaa sidokale u sheegay wakaalada wararka ee Anadol in Ciidamada Israa’iil ay gudaha u galeen magaalada Jeniin, iyaga oo gudaha u galay dhowr Guri oo ay degenaayeen dad falastiiniyiin ah, taasi oo keentay inuu halkaasi ka qarxo iska horimaad ay la galeen tobanaan dhalinyaro Falastiiniyiin ah.
